Siúlóid Bhithéagsúlachta i bPáirc an Fhionnuisce i mBÁC 8 leis an mbitheolaí is mó cáil agus is mó gean in Eirinn, Éanna Ní Lamhna.

Tar linn ar thuras bithéagsúlachta leis an mbitheolaí is mó cáil in Éirinn, Éanna Ní Lamhna!

Beidh Éanna ag caint ar na feithidí, na plandaí, na crainn, na bláthanna, ar fháis na haon oíche, agus ar na hainmnithe, idir bheag agus mhór, agus ar aon ghné eile den bhithéagsúlacht, a dtabharfaidh sí suntas di agus í ag siúl linn.

Tá an-cháil agus an-chion ar Éanna, go háirithe mar bhitheolaí, mar chomhairleoir comhshaoil agus fiadhúlra, mar láithreoir raidió agus teilifíse, mar údar agus mar oide.

Aithnítear glór Éanna ar an bpointe boise ar an raidió agus is duine de na saineolaithe ar Mooneys Go Wild le blianta fada í. Chaith Éanna seal ina huachtarán ar an gcarthanacht chomhshaoil náisiúnta, An Taisce, agus ar Chomhairle Crann na hÉireann.

Is as Contae Lú ó dhúchas d'Éanna ach tá cónaí uirthi i mBaile Átha Cliath anois. Tá an-tóir ar Éanna mar údar freisin agus is iomaí leabhar fiadhúlra óna peann a bhaineann léitheoirí, idir shean agus óg, sult astu.

Má tá an fuinneamh agaibh roimh ré is féidir libh dul ag rith leár gcairde sa Chlub Reatha a thagann le chéile gach maidin Sathairn ag 10.30 ag na seomraí tae, agus cupán tae nó caifé a ól leo ina dhiaidh sin roimh bhualadh le hÉanna!

Tá an t-imeacht seo á eagrú ag Craobh Inse Chór de Chonradh na Gaeilge i gcomhar lenár gcairde sa Chlub Reatha. Tá sé urraithe ag Foras na Gaeilge.

Description supplied by the event organiser.