希望透過傾偈、書信同閱讀，大家除咗繼續關心牆內嘅朋友，亦可以多一點認識彼此。

和你傾、和你寫、和你閱讀一個關於生活、書信與閱讀的晚上。

📅 2026年9月18日 星期五

🕔 下午5時至7時

📍 Corstorphine Community Church, Edinburgh

「和你傾、和你寫」今次加入閱讀分享，希望大家除咗繼續透過書信關心香港在囚政治犯，亦有一個空間見面、傾近況，分享最近生活中讀過、想過或者感受到的事情。

活動會由輕鬆傾偈開始。大家可以講吓最近生活、工作、英國日常，或者任何想同其他人分享嘅近況。

期間我哋亦會一齊寫信俾香港在囚政治犯。信件唔需要寫得很正式，可以由日常生活開始，分享最近發生的小事、天氣、閱讀、興趣，或者簡單送上一句問候。

今次亦多咗一個讀書分享時間。

如果最近有一本書令你留下印象，可以帶埋過嚟，自願用大約5至10分鐘同大家分享。唔需要準備正式書評，亦冇指定書種。小說、散文、歷史、社會、漫畫或者其他閱讀都可以。

可以講一本書點解令你有感覺，又或者只係分享其中一個故事、一個想法。

讀書分享完全自願。即使最近冇睇書，或者只想過嚟傾吓偈、寫封信，都一樣歡迎。

希望透過一次又一次見面，大家慢慢認識彼此。除咗將一封封家書寄返香港，亦喺呢度留下屬於我哋自己的生活、閱讀同交流。

活動以廣東話為主。

第一次參加都歡迎。現場會提供基本寫信資料及文具。

Description supplied by the event organiser.